OMU DIVINU

Si sà chi Ptolomeu, anch'ellu a cuntava
Mentre chi l'altru tempu, anticu splendurava
Virgile avia fattu, tamanta riturnella
Per 'ssu fruttu d'amore, cusi dolce in canella
Ghjèsù-Christu anch'ellu un'era ancu natu
Chi ogni calzu d'uva curria infrundatu
E da u meddiuvvevu, sina l'oghje calatu
C'hè sempre un palmentu, in cerca di muscatu

Vinu biancu, rusulaghju o chjarasginu
Beie puru ma fa casu di un perde u to latinu
Sciaccarellu, niellucciu o vermentinu
Cantu cui perchè si dice : omu si, omu di vinu

Ben ch'o l'avessi chjappa anch'eu una sera
Quella scimia canonchja, quella sburniaccia nera
Cantu per chi un mette nè tappu, nè stuppinu
E s'ellu è pienu rebbiu, un si vale un cinquinu
Po cantu ancu pè l'altri, ghjente più misurate
A chi u vinu piace, a piccule surpate
Cante ch'ella mi fussi o si o no permessa
Per 'ssu vinu santu, per 'ssu vinu di messa

Vinu biancu, rusulaghju o chjarasginu
Beie puru ma fa casu di un perde u to latinu
Sciaccarellu, niellucciu o vermentinu
Cantu cui perchè si dice : omu si, omu di vinu