U TO NOME

 

L'amore ch'eo ti portu
Quandu vene la notte
U to' nome di locu
Sarà quellu di a mio sorte
A mezzu a li fiori
U na voce cantava
Aghju intesu la to sperenza
Chi mi chjamava da mill'anni

Eiu portu lu to' nome
Chi accende e mio passione
N'è cunoscu lu dulore
E ti batiseghju AMORE

Tù si sola a mezzu pratu
Eiu portu li mio guai
Quand'u tempu s'alluntana
U to nome chi ribomba
Cum'una fiama nustrale
Quallà pienghje una funtana

Eru solu per muntagna
Una voce mi purtava
Aghju vistu una cumpagna
Nant'à petra chi ripusava
I so' occhji a mezzu sole
Chi schiarivanu u mio sognu
Aghju lettu lu to nome
Sopra u celu nivaghjosu

Eiu portu lu to' nome
Chi accende e mio passione
N'è cunoscu lu dulore
E ti batiseghju AMORE

Aghju chjappu la to manu
Un' acellu s'hè pusatu
A funtana s'hè piantata
U celu s'hè risvegliatu
Una voce a cantatu
A tristezza era luntana

Eiu portu lu to' nome
Chi accende e mio passione
N'è cunoscu lu dulore
E ti batiseghju AMORE