SPECHJU

 

Sentu una prisenza
Chi mi scumboglie
Forze la tò anima
Chi di me si ne sciogliè

Induve sò i zitelli
Ch'in corte ridivanu
Induve sò quell'acelli
Ch'in ùn volu fughjivanu

Ne sentu lu tò passu
Chi, di me, s'aluntana
Oghje quandu ti guardu
Mi sentu un omu stranu

Tù chi fai la mostra
Di la nostra vita
In pettù a la disgrazia
Ùn hè muta la scùnfitta

Spechju sempre piattatu
Quandu picchja la morte
Cume si t'eri tù
A arrigà gattiva sorte

Avà un sentu piu,
Di tè, lu batticore
Vegu a tò ghjuventù
A l'orlu di u more

Spechju di la vita
Strappalu issu velu
Chi la fede rinaschi
Per un populu degnu