LUMERA DI LA MIO VITA

Lumera in l'ombra pagna
Stella chjara in lu mio celu
Fermerai la mio cumpagna
Per lu mio incantu e lu mio addisperu

A l'ombra di lu to sguardu
Lu mio sguardu lasciu anda'
A la dulceza di le to labre
A mio bocca lasciu basgia'

Quandu la mio manu viziosa
Spasseghja sopra la to pelle
E chi li mio occhji vitrosi
Si perdenu in li to capelli

Si lu veranu di la mio tristezza
Quandi lu mio murale s'annigrisce
Si l'auturnu di la mio tenerezza
Quandi lu mio amore per te s'allisca

Quandi li nostri corpi nudi
S'infanghanu in lu campu passione
Quandi le nostre bocche ardite
S'infiaranu tale un tizzone

Quandu la mio lingua s'aggrotta
In ogni scornu di te
Quandi si lascia ogni forza
Supranisce lu vule'

Quand'ellu sbuccia lu fiore
D'iss'accupiata pudente
Ch'ellu ferma lu sudore
Chi benediscera per sempre a lumera in l'ombra pagna

A stella in lu mio celu

Quella chi fermera la mio cumpagna
Per lu mio incantu e lu mio addisperu