DONNE

Un pezzu di stracciu in manu
Un zitellu chì pienghje
E tu parti luntanu
Ma micca nantu e piaghje
Un pezzu di bastone
Per unicu cumpagnu
Senti lagnà babone
Chì parte pianu pianu

Un' ricordu feritu
Di a prima ghjuventu
Un' amore smaritu
Che tu hai inventatu tù
Tu porti sempre in pettu
E lacrime d'amore
Ma ti alzi di lettu
E so dighja sei ore

Si donna per u primu piacce
Si donna per esse a canta me
Si donna ma ditemi perche
Un ce avvene per te

Si donna per u mio primu bassu
Si donna per u mio primu basgiu
Si donna per u mio primu strazziu
Ma tù capisci perche

U sudore di u fronte
T'ha bagnatu e mane
E speranze so stonde
Ma' chì sara dumane
So belli i to figlioli
Mà tù n'hè poi piu
Duve vanu i batelli
Ch'ùn ritornanu piu

Ti tremanu e labre
D'ave troppu aspetatu
Troppu lumere care
E sole addurmintatu
E ti pienghjenu l'occhji
Senza piu fà manere
So stanchi i to ghjinocchji
Di tutte e to prighere

Si donna per u primu piacce
Si donna per esse a canta me
Si donna ma ditemi perche
Un ce avvene per te

Si donna per u mio primu bassu
Si donna per u mio primu basgiu
Si donna per u mio primu strazziu
Ma tù capisci perche

Chì sara l'operaiu ô u re
Ma chì sara l'omu senza te
In da lotta di l'altu piacce
L'operaiu a canta me.