S'È VÒ VULETE SAPÈ

S'è vò vulete sapè
Quant'è lu ci hè pesci in mare
S'è vò vulete sapè
Pesci quant'è lu ci n'hè

Ci n'hè unu ci n'hè dui
Ci n'hè unu dui è trè
Ci n'hè quant'è stelle in celu
S'è vò vulete sapè.

S'è vò vulete sapè
Quant'è lu ci hè stelle in celu
S'è vò vulete sapè
Stelle quant'è lu ci n'hè

Ci n'hè una ci n'hè duie
Ci n'hè una dui è trè
Ci n'hè quant'è pesci in mare
S'è vò a vulete sapè

S'è vò vulete sapè
Quant'è lu ci hè ghjorni a vene
S'è vò vulete sapè
Ghjorni quant'è lu ci n'hè.

Ci n'hè unu ci n'hè dui
Ci n'hè unu dui è trè
Ci n'hè quant'è stelle in celu
S'è vò vulete sapè
Quant'è zitelli è zitelli
S'è vò vulete sapè.