QUELLU DI E FOLE

Quassù metterebbe in celu
Dui soli invece d'unu
Cusi l'altru si sterebbe
A'chjachjara cù a luna
È sì
È sì u tempu hè timpestosu
Ghjè chi Ghjè chi
Ghjè chi Mare hè ghjelosu.

Sè fussi quellu di e fole
Di i libri è di i sogni
Arrangerebbe u mondu
Ch'ellu voghi ch'ellu voghi
Ch'ellu voghi di più tondu.

Chiamerebbe tutti i pesci
A'vulà cum'è l'acelli
È l'acelli purterebbe
A'nutà sottu à i batelli
È sì
È sì Nettunu hè disturbatu
Lu si Lu si
Lu si porti malatu.

Sè fussi quellu di e fole
Di i libri è di i sogni
Arrangerebbe u mondu
Ch'ellu voghi ch'ellu voghi
Ch'ellu voghi di più tondu.

Riferebbe a settimana
Ch'ella fussi più allegra
Mercuri in'infilarata
L'altri ghiorni un zinzichellu
È sì
È sì Maestru un hè cuntentu
Lu s'a... lu s'a...
Lu s'asciuvi lu pientu.

Sè fussi quellu di e fole
Di i libri è di i sogni
Arrangerebbe u mondu
Ch'ellu voghi ch'ellu voghi
Ch'ellu voghi di più tondu.